صوبائي وزيراطلاعات، ٽرانسپورٽ ۽ ماس ٽرانزٽ شرجيل انعام ميمڻ ڪراچي ۾ اليڪٽرڪ بسون ھلائڻ جو اعلان ڪري ڇڏيو. پنھنجي ٽوئٽر اڪائونٽ تي ڪيل اعلان ۾ صوبائي وزير چيو ته پاڪستان پيپلز پارٽي ڪراچي جي عوام سان ڪيل هڪ ٻيو واعدو پورو ڪري ڇڏيو، دنيا جون جديد بسون ھاڻي ڪراچي جي روڊن تي نظر اينديون. سندس چوڻ هو ته سنڌ حڪومت جو ٽرانسپورٽ کاتو ڪراچي ۾ نئين بس سروس شروع ڪري رهيو آهي. جيڪي پاڪستان جي پهرين اليڪٽرڪ بسن تي ٻڌل سروس آھي ۽ مڪمل طور تي ماحول دوست آھي. ھن چيو ته سومر ڏينهن (اڄ) شهر ۾ ٽيسٽ ڊرائيو شروع ڪئي پئي وڃي.
