پيپلز پارٽي (ش ڀ) ڄام شوري ۽ حيدرآباد ۾ وڌندڙ بدامني ۽ منشيات خلاف گل سينٽر کان پريس ڪلب تائين ريلي ڪڍي، ريلي جي اڳواڻي حيدرآباد ضلعي جي صدر ارشاد خاصخيلي، رمضان کماڻ، سيد حسنين شاهه ۽ ٻين ڪئي. ان موقعي تي اڳواڻن چيو ته حيدرآباد ۽ ڄام شوري ۾ ڏوهن سميت منشيات جو وڪرو ۽ واهپو عام ٿي ويو آهي، آئيس، هيروئن، چرس، ڪچو ۽ پڪو شراب سرعام پوليس جي سرپرستي ۾ هلي رهيو آهي. انتظاميه منشيات وڪرو ڪندڙن کي سپورٽ ڪري ٿي جو کين هر مهيني لکين روپيه ڀتو ملي ٿو. هنن چيو ته منشيات جي واهپي جي ڪري نوجوان نسل نشي جو عادي ٿي تباھھ ٿي رهيو آهي، جنهنڪري نوجوان چورين، ڦرن ۽ ڏوهن جون وارداتون ڪري بدامني پکيڙي رهيا آهن. هنن اپيل ڪئي تھ ٻنهي ضلعن ۾ ھلندڙ منشيات کي بند ڪرائي نوجوان نسل کي تباھي کان بچايو وڃي.
