کهڙا: کهڙا ويجهو درگاهھ گلاب شاھه تي روحاني بزرگ سيد گلاب شاھه لڪياري جو ٽي روزا عرس مبارڪ جي موقعي تي سنڌ جي ثقافتي راند ملهه ملاکڙي جا شاندار مقابلا ٿي گذريا. سنڌ جي ناليوارن ملھه پهلوانن ڪمانڊو ناريجو، ڪولر زرداري، نذير ڀاڳت، اعجاز شيدي، علي دوست ملاح، اشفاق مرکنڊ، عابد ڪوڙي، گلڻ شر، مزمل مغيري، لکمير زرداري، اصغر مغيري، پرويز ملاح ۽ پرويز پنهور سميت 30 کان وڌيڪ ملھه پهلوانن حصو ورتو. ملاکڙي ۾ پهلوان ڪمانڊو ناريجو ڪولر زرداري کي ملھه دسي واهھ واهھ ڪرائي ڇڏي. جڏهن ته علي دوست ملاح اشفاق مرکنڊ کي، عابد ڪوري گلڻ شر کي، مزمل مغيري پڻ ڪولر زرداري کي ملهون ماري روڪ انعام حاصل ڪيو، ملھه جا مقابلا ڏسڻ لاءِ علائقي جا سوين ماڻهو ملاکڙي ۾ شريڪ ٿيا.
