رهڙڪي ۾ اسڪولي ٻارڙن جو گيتن تي شاندار رقص

رهڙڪي: رهڙڪي ۾ اسٽينڊرڊ گرامر اسڪول ۾ ثقافتي پروگرام منعقد ڪيو ويو، جنهن ۾ معصوم ٻارڙن سنڌي گيتن تي شاندار رقص ڪري ڌرتي کي ڀيٽا پيش ڪئي. ان موقعي تي هيڊماستر نسيم احمد چنا ۽ ٻين سان ڳالهائيندي چيو ته اسين پنهنجي اسڪول ۾ هر سال ثقافتي ڏهاڙي کي وڏي جوش جذبي سان ملهائيندا آهيون، جنهن ۾ ننڍڙا ننڍڙا ٻار ثقافتي ويس ۽ ٽوپي اجرڪ پائي پنهنجي ثقافت کي ياد ڪندا آهيون.