بين الاقوامي امن مشن جو ڏهاڙو هر سال 29 مئي تي ملهايو ويندو آهي.آ ايس پي آر موجب 75 هين بين الاقوامي امن مشن جي ڏهاڙي ۽ امن مشن تحت پاڪ فوج گڏيل قومن جو امن مشن دنيا جي جنگ سٽيل علائقن ۾ رهندڙ ڪروڙين ماڻهن جي بحالي ۽ فلاح لا فرض سرانجام ڏئي رهيو آهي. پاڪ فوج جي پهرئين 1960ع ۾ ڪانگو ۾ مقرري کان وٺي اڄ تائين پاڪستان جا 2 لک 25 هزار سيڪيورٽي اهلڪار دنيا جي 48 ملڪن ۾ گڏيل قومن جي جهنڊي هيٺ فرض انتهائي ايمانداري ۽ دلي ڪوششن سان ڏئي چڪا آهن. گڏيل قومن جي امن مشن جو حصو هوندي پاڪستان گڏيل قومن جي اي 4 پي ۽ اي 4 پي پلس جهڙن قدمن جي ڀرپور تائيد ڪئي آهي، جن ۾ امن مشنز کي فعال بڻائڻ ۽ ان ۾ شامل ماڻهن جي مشڪل ۽ جنگ سٽيل علائقن ۾ حفاظت کي يقيني بڻائڻ لا کنيل قدم شامل آهن. پاڪستان هڪ ذميوار رياست طور پاڪ ۽ هند ۾ مقرري دوران گڏيل قومن جي مشن کي هر ممڪن رسائي يقيني بڻائيندي گڏيل قومن جي چارٽر جي هر طرح پاسداري ڪئي آهي. بين الاقوامي امن کي يقيني بڻائڻ لا پاڪستان جي 171 جانبازن پنهنجي جانن جا نذرانا پيش ڪيا آهن، جن ۾ 27 آفيسر به شامل آهن. پاڪستاني دستن جي پيشيواراڻي خدمتن ۽ عظيم قربانين سبب دنيا جي وڳوڙ وارن علائقن ۾ امن قائم ٿيو ۽ سڄي دنيا ۾ پاڪستان جي خدمتن جو اعتراف ڪيو ويو. پاڪستان هميشه جيان گڏيل قومن جي پائيدار امن وارين ڪوششن جي ڀرپور تائيد ڪري ٿو ۽ پنهنجون خدمتون پيش ڪندو رهندو.
