حيدرآباد ۾ ڪميٽي فار دي ويلفيئر آف پرزنرز طرفان ليڊيز جيل ۾ انبن جو فيسٽيول منعقد ڪيو ويو. ان موقعي تي تقريب ۾ عورتن جي ڀلائي واري اداري طرفان قرئت العين شاهه، اي ايس پي سبيڪا سومرو، ڊاڪٽر عرفانا مخدوم، عبدالله سومرو، زاهد علي ميسو، هالار ڀٽي، ايڊووڪيٽ ثمرين، شائستا، شهناز ۽ ٻين شرڪت ڪئي. فيسٽيول ۾ سنڌڙي انب، لنگڙو، انور رٽول، دسيهري، چونسو ۽ ٻيا انب سينگاري رکيا ويا. قيدي عورتن ۾ گلوڪاري جو مقابلو به ڪرايو ويو. گڏوگڏ قيدين ۽ جيل اسٽاف وچ ۾ انب جلدي کائڻ جو مقابلو پڻ ڪرايو ويو. پروگرام جي آخر ۾ سڀني قيدين ۽ جيل عملي ۾ انب ورهايا ويا. پروگرام جي آرگنائيزر ايڊووڪيٽ دانش سومري چيو ته اهڙي قسم جون سرگرميون ڪرڻ جو مقصد جيل جي بند فضائن اندر قيدين ۾ شعور، بحالي ۽ خوشيون پيدا ڪرڻ آهي. اهڙين ننڍڙين خوشين سان مثبت نتيجا محسوس ڪيا ويا آهن.
