حيدرآباد ۾ بيوهه عورت کي ڳلو ڪپي بيدردي سان قتل ڪيو ويو، جنهن جو پنهنجي ئي ڪوارٽر مان لاش مليو آهي. خبر موجب ڦليلي ٿاڻي جي حد پراڻي ٻڪرا پڙي ويجهو بلديا جي ڪوارٽر مان 55 ورهين جي مارگريٽ جو ڳلو ڪپيل لاش هٿ آيو، اطلاع تي پوليس پهچي لاش سول اسپتال پهچايو، جتي قانوني ڪاروائي ڪرڻ بعد لاش وارثن حوالي ڪيو ويو. ذريعن موجب ڪرسچن ڪالوني جي ڪوارٽر ۾ بيوهه عورت مارگريٽ گهر ۾ اڪيلي رهندي هئي، پوليس ڪوارٽر مان قتل ۾ استعمال ٿيل اوزار به هٿ ڪري ورتو، مقتول عورت مارگريٽ جو مڙس فضل مسيح فوت ٿي چڪو آهي. پوليس ٻڌايو ته جاچ ڪئي پئي وڃي ته عورت کي ڇو قتل ڪيو ويو آهي.
