ڇاڇرو: ڇاڇري ۾ قائم ڪورين اسپتال ۾ وڌيڪ هڪ اکين جي نئين اسپتال جو اضافو ڪيو ويو. ڪورين اسپتال ۾ حاجي سيف الله خالد سراج سومرو پنهنجي سهڪار سان تعمير ڪرايل امان حاجياڻي ۽ جنگ اکين جي اسپتال جو افتتاح ڪيو، تقريب ۾ ڇاڇرو تعلقي اسپتال جي ايم ايس ڊاڪٽر ليکراج سارنگهاڻي، ايس ايڇ او سليم سمون، گوتم راٺي، محمد شريف راهمون، علي نواز بجير،محمد رحيم مڱريو، پريس ڪلب صدر عبدالجبار نهڙيو ۽ برڪت علي بجير سميت شهرين ۽ سياسي سماجي اڳواڻن وڏي انگ ۾ شرڪت ڪئي. تقريب کي خطاب ڪندي حاجي سيف الله خالد سراج سومرو چيو ته ڪوريا جي ڊاڪٽر من هتي پهچي غريب عوام جي خدمت ڪئي آهي، ڇاڇرو جي هزارن ماڻهن جو هتي اکين جو آپريشن ٿئي ٿو، غريب عوام کي فائدو ٿئي ٿو، ڪوريا جا ڊونر عوام جي خدمت جي ڪم ۾ تاون ڪن ٿا، جن جا اسان شڪر گذار آهيون، ٿرپارڪر جا ڊاڪٽر ٿر الائونس مان فائدو وٺن ٿا، پر نوڪريون نٿا ڪن، 2 کان 3 لک رپيا پگهار هئڻ باوجود پنهنجي نوڪري تي نٿا اچن ۽ مفت جي پگهار کڻي رهيا آهن، صحت کاتي کي نوٽيس وٺڻ گهرجي.
