ڪراچي: ڪراچي جي علائقي گلستان جوهر ۾ فوڊ ڊليوري بواءِ کان ڦر دوران پنهنجي ئي ساٿي جي فائرنگ ۾ هڪ ڦورو مارجي ويو. پوليس موجب گلستان جوهر جي دارالصحت اسپتال ويجهو 2 هٿياربند فوڊ ڊليوري بواءِ فيصل اياز کي ڦري رهيا هئا ته هن مزاحمت ڪئي ته جوابدار مٿس فائرنگ شروع ڪري ڏني.
پوليس جو چوڻ آهي ته هٿياربند فائرنگ ڪري پنهنجي ئي ساٿي کي قتل ڪيو، جڏهن ته ڊليوري بوائي جي ڪن کان گولي گذري وئي، جنهن ۾ هو معمولي زخمي ٿيو آهي. پوليس موجب مارجي ويل ڦورو جي في الحال سڃاڻپ نه ٿي سگهي آهي، جڏهن ته سندس لاش اسپتال منتقل ڪيو ويو آهي.
