وڏي سياسي پارٽي ۾ اهم عهدو اعزاز ۽ وڏي ذميواري به آهي:اسد عمر

اسلام آباد :پاڪستان تحريڪ انصاف جي نئين سيڪريٽري جنرل منصوبابندي، ترقي ۽ سڌارن واري وفاقي وزير اسد عمر چيو آهي ته پاڪستان جي سڀ کان وڏي سياسي پارٽي ۾ هڪ اهم عهدو اعزاز ۽ تمام وڏي ذميواري به آهي. پارٽي ورڪر اثاثو آهن. ڪالهه ڇنڇر ڏينهن پنهنجي ٽوئيٽ ۾ اسد عمر چيو ته پي ٽي آءِ جا ورڪرز ان جو سرمايو آهن، جنهن جو مثال ڪنهن ٻي پارٽي ۾ نه ٿو ملي. هن چيو ته انشاءَ الله عمران خان جي قيادت ۾ پارٽي ڪارڪنن ۽ ووٽرز جي اميدن موجب تحريڪ انصاف وڌيڪ مضبوط ٿيندي.