نٿيا گلي ۾ لگزري هوٽل،ٺيڪو وزيراعظم جي ساٿي کي ملي ويو

اسلام آباد :نٿيا گلي ۾ لگزري هوٽل جي اڏاوت جو ٺيڪو وزيراعظم عمران خان جي ويجهي ساٿي کي ڏنو ويو آهي. ذريعن موجب نٿيا گلي مري ۾ لگزري هوٽل جيڪا لکين ڊالرن جي لاڳت سان تعمير ٿيندي، ان جو ٺيڪو پي ٽي آئي جي ڊونر ممتاز احمد مسلم کي ملي ويو آهي. هن اسڪروٽني ڪميٽي موجب پي ٽي آئي کي 24 هزار ڊالرن کان وڌيڪ عطيو ڏنو هو. هو ٻاهرين ملڪ هوٽلن جو صدر ۽ مالڪ آهي. هن بني گالا ۾ 2018ع ۾ وزيراعظم سان ملاقات ڪئي هئي. آف شور ڪمپنين بابت جاري رپورٽ ۾ هن جو نالو به شامل آهي.