دبئي: انٽرنيشنل ڪرڪيٽ ڪائونسل (آءِ سي سي) مينز ٽي-20 ٽيم آف دي ايئر ۾ شامل رانديگرن جي نالن جو اعلان ڪري ڇڏيو آهي. پاڪستان ڪرڪيٽ ٽيم جي ڪپتان بابراعظم کي آءِ سي سي مينز ٽي-20 ٽيم آف دي ايئر جو ڪپتان مقرر ڪيو ويو آهي، جڏهن ته محمد رضوان کي وڪيٽ ڪيپر طور ٽيم ۾ شامل ڪيو ويو آهي.
پاڪستان جو شاهين شاهه آفريدي به آءِ سي ٽي ٽوئنٽي ٽيم آف دي ايئر جو حصو آهي، جڏهن ته ٻين رانديگرن ۾ جوز بٽلر، ايڊن مارڪرام، مچل مارش ۽ ڊيوڊ ملر به شامل آهن. ان کان علاوه تبريز شمسي، جوش هيزل ووڊ، وانندو هسارنگا ۽ مستفيض الرحمان به ٽيم جو حصو آهن. آ سي سي ٽي-20 ٽيم آف دي ايئر ۾ ڪنهن به ڀارتي ڪرڪيٽر کي شامل نه ڪيو ويو آهي.
