لاهور: لاهور هاءِ ڪورٽ راوي اربن پراجيڪٽ کي ڪالعدم قرار ڏئي ڇڏيو. لاهور هاءِ ڪورٽ راوي اربن ڊولپمينٽ پراجيڪيٽ خلاف درخواستن تي فيصلو ٻڌائيندي پراجيڪٽ خلاف درخواستون منظور ڪري ورتيون. عدالت پراجيڪٽ کي ڪالعدم قرار ڏيندي روڊا جي ترميمي آرڊيننس جي شق 4 کي به غير قانوني ۽ آئين سان ٽڪراءُ ۾ قرار ڏنو آهي. عدالتي فيصلي موجب راوي اربن ڊولپمينٽ پراجيڪٽ جو ماسٽر پلان بنيادي دستاويز آهي ۽ قانون تحت سموريون اسڪيمون ماسٽر پلان جي ماتحت هونديون آهن، تنهن ڪري ماسٽر پلان بنا ٺاهيل ڪا به اسڪيم غير قانوني هوندي آهي.
