اسلام آباد : پيپلزپارٽي جي نائب صدر سينيٽر شيري رحمان چيو آهي ته حڪومت اسٽيٽ بئنڪ جي خودمختياري بابت بل کي بلڊوز ڪرڻ جي ڪوشش ڪري رهي آهي. پنهنجي بيان ۾ شيري رحمان چيو ته سينيٽ اجلاس لاءِ اڌ رات جو جاري ٿيل ايجنڊا حڪومت جي لڪل مقصدن کي بيان ڪري ٿي. هن چيو ته حڪومت آئي ايم ايف کي ٻڌائڻ گهري ٿي ته پارليامينٽ اسٽيٽ بئنڪ بابت بل پاس ڪيو آهي. هن چيو ته حڪومت قومي بحران جي وقت پاڪستان جا خودمختيار فيصلا ڪرڻ جي صلاحيت کي به کسڻ چاهي ٿي. وڏن منصوبن ۽ خودمختيار ضمانتون ڏيڻ جي حڪومتي صلاحيت جو ڇا ٿيندو، تنهنڪري آئي ايم ايف هاڻي ان تي به ڪنٽرول ڪري سگهي ٿو. هن چيو ته اهڙي قسم جا شرط گڏيل اپوزيشن طرفان مڪمل طور تي رد ڪيا ويا آهن. هن چيو ته پوري اپوزيشن حڪومت جي هن فيصلي جي خلاف آهي. آئي ايم ايف هي شرط رکيو آهي ته مرڪزي بئنڪ پاڪستان کي ڪنهن به بحران ۾ پئسا نه ٿيندي. هن چيو ته قومي هنگامي حالتون ايتري قدر جو جنگ ۾ به مرڪزي بئنڪ کان پئسا وٺڻ جي اسان جي خودمختيار صلاحيت کي متاثر ڪندو. هن چيو ته مرڪزي بئنڪ کان قرض وٺڻ هر ملڪ ۾ بحران کي منهن ڏيڻ لاءِ آخري حل هوندو آهي، هي قانون مڪمل طور تي قبول جوڳو نه آهي. هن چيو ته بل منظور ٿيڻ جي صورت ۾ اسٽيٽ بئنڪ پاڪستان نه پر آئي ايم ايف جي نگراني هيٺ ڪم ڪندي. هن چيو ته وفاقي حڪومت کي اسٽيٽ بئنڪ کان قرض وٺڻ لاءِ آئي ايم ايف جي منظوري گهرجندي.
