ڪارڪردگي جو طريقيڪار ڇا آهي، واضح ڪيو وڃي:شاهه محمود قريشي

اسلام آباد:پرڏيهي وزير شاهه محمود قريشي پرڏيهي وزارت کي بهترين ڪارڪردگي وارين وزارتن ۾ شامل نه ڪرڻ تي خاص معاون شهزاد اڪبر کي خط لکي ڇڏيو آهي. هن خط ۾ ڳڻتي جو اظهار ڪندي وزارتن جي ڪارڪردگي جي طريقيڪار بابت پڇاڻو ڪيو آهي. علي محمد خان کانپو پرڏيهي وزير شاهه محمود قريشي به سوال اٿاريو آهي. هن چيو ته پرڏيهي وزارت اعليٰ سطحي جون سرگرميون ڪيون، ۽ حدف به پورا ڪيا. ان باوجود وزارت لسٽ ۾ شامل ناهي، ڪارڪردگي جو معيار ڇا آهي، ان بابت واضح ڪيو وڃي.