نوري آباد ڀرسان زمين تي قبضي جي ڪوشش، ڳوٺاڻو زخمي

نوري آباد: ڪوھستان واسين جي زمينن تي قبضي جي ڪوشش ۽ گهرن تي ڪاهه خلاف قديمي ڳوٺ وڪيو جاکرو جي رھواسين انور جاکرو ۽ بادل شفيع جاکرو جي اڳواڻي ۾ احتجاجي مظاهرو ڪيو. هنن چيو ته بااثر ھٿياربندن سان گڏجي زمين تي قبضي جي ڪوشش ڪئي ۽ گھرن تي ڪاھه ڪري ڳوٺاڻي الھجڙيو جاکرو کي تشدد ڪري زخمي ڪري ڇڏيو آهي، پوليس به اسان جي مدد ڪرڻ بدران قبضاخورن جي مدد ڪري رھي آھي. هنن اختيارين کان قبضاخورن خلاف قدم کڻڻ جي گهر ڪئي.