فريدآباد ۾ زمين تي قبضي ۽ ڦر ڪيس جي جوابدارن جي گرفتاري لا احتجاج

فريدآباد: فريدآباد لڳ ڪاڇي جي 300 جريب زمين تي قبضي ۽ موٽرسائيڪل ڦر ڪيس ۾ گھربل جوابدار گرفتار نه ٿيڻ خلاف ڳوٺ ولي محمد رند جي رھواسين ڪوڙل رند، صوبدار رند، محب رند، علي حسن رند، ديدار رند ۽ ثنا الله رند پريس ڪلب فريدآباد آڏو احتجاج ڪندي چيو ته ڪاڇي جي 300 جريب زمين تي قبضو ۽ موٽر سائيڪل ڦر ڪندڙ جوابدار خليل ڏيرو کي ميھڙ پوليس گرفتار ڪري ورتو آهي، پر ٻين جوابدارن کي پوليس گرفتار نه ڪري رهي آهي. هنن اختيارين کان نوٽيس جي گهر ڪئي.