هالا: هالا پوليس ايس ايس پي مٽياري محمد ڪليم ملڪ جي هدايتن تي منشيات فروشن خلاف ڪارروايون تيز ڪندي هالا ۽ آسپاس جي ڳوٺن ۾ منشيات سپلا ڪندڙ 10 منشيات فروشن کي گفتار ڪري ورتو، جن خلاف منشيات ايڪٽ تحت ڪيس داخل ڪيو ويو. هالا پوليس گشت دوران مسڻ روڊ ۽ مهراڻ موري تان منشيات فروشن کي گرفتار ڪري گٽڪا، مين پڙي ۽ سوين زيڊ ايڪيھه جون پڙيون هٿ ڪري 2 ڌار ڌار ڪيس جوابدار امير ولد عرس خاصخيلي، محمد طارق ولد محمد جمن ملڪ، عطا محمد ولد عبدالله، شاهنواز ولد رئيس، امداد علي ولد محمد لائق خاصخيلي، علي حسن ولد محمد جمن ڪوري، منير ولد دريا خان ڪملو، اقبال ولد مشتاق خاصخيلي، محمد پريل ولد گل حسن چانڊيو ۽ قاسم ولد قائم خاصخيلي خلاف داخل ڪيا.
