ڪراچي: ڪراچي ۾ فائرنگ جي مختلف واقعن ۾ 2 عورتون قتل ۽ هڪ ڄڻو زخمي ٿي پيو آهي، خبر موجب ڪراچي جي ناظم آباد واري علائقي ۾ اڻڄاتل هٿياربندن هڪ گهر ۾ داخل ٿي انڌاڌنڌ فائرنگ ڪري ڏني، جنهنجي نتيجي ۾ 2 عورتون 50 ورهين جي روبينه ۽ سندس ڌي 30 ورهين جي حرا مارجي ويون آهن. واقعي بعد جوابدار فرار ٿي ويا. واقعي جو اطلاع ملندي پوليس پهچي وئي، جنهن مقتول عورتن جي لاشن کي پوسٽ مارٽم لاءِ عباسي شهيد اسپتال منتقل ڪيو.
پوليس جو چوڻ آهي واقعي جو سبب معلوم نه ٿي سگهيو آهي، ان حوالي سان وڌيڪ جاچ ڪئي پئي وڃي، واقعي کانپوءِ علائقي ۾ ڏهڪاءُ پکڙجي ويو هو. ٻئي طرف شاهه لطيف ٽائون ٿاڻي جي حد ۾ واقع لڪي ٽيڪسٽائيل ڀرسان نامعلوم ماڻهن جي فائرنگ ۾ 70 ورهين جو اورنگزيب پٽ علي گوهر زخمي ٿي پيو، جنهن کي جناح اسپتال ۾ داخل ڪيو ويو آهي.
