نبي سرروڊ: نبي سرروڊ ۾ سنڌي ادبي سنگت شاخ نبي سرروڊ جي دستوري گڏجاڻي ڪوٺائي وئي، جنهن جي نوجوان شاعر نياز محمد چانڊيو صدارت ڪئي، گڏجاڻي جي ڪارروائي ساس شاخ نبي سرروڊ جي سيڪريٽري اعجاز ڀاڻپوٽي هلائي، ان موقعي تي ڪاروباري ڪميٽي جو اجلاس به ٿيو، جنهن ۾ تمام ميمبر شپ فارم منظور ڪيا ويا، جنهن بعد مشاعري جي محفل ٿي، جنهن ۾ شاعرن علي بخش چانڊيو، بادل چانڊيو، اشوڪ شرما، محمد حسن مصروف چانڊيو، اعجاز ڀاڻپوٽو، عالم اسير، نياز محمد چانڊيو، مخلص چانڊيو، علي گشڪوري، عرفان خاصخيلي، فاروق گشڪوري، جانهور ڀيل، جهنور ڀيو، مختيار احمد گشڪوري، جيئو ڀيل ۽ ٻين پنهنجي نڪور شاعري چئوسٽا ۽ گيت پيش ڪيا. ادب ذوق ملڪ محمد گشڪوري، الله بچايو گشڪوري، مدن ڪمار سوٽهڙ ۽ ٻين شرڪت ڪئي. اڳواڻن چيو ته اسان جي ڪوشش آهي ته هن سلسلي کي اڳتي کڻي اچون ته جيئن نوجوان نکي هن پليٽ فارم ذريعي موقعو ملي سگهي.
