ڪراچي: ڪراچي جي مختلف علائقن ۾ ايف آئي اي سائبر ڪرائيم جا ڇاپا هڻي، اڳوڻي زال کي بليڪ ميل ڪندڙ جوابدار سميت هراسمينٽ جي الزام هيٺ 3 جوابدار گرفتار ڪري ورتا آهن. ايڊيشنل ڊائريڪٽر سائبر ڪرائيم عمران رياض موجب گرفتار جوابدارن ۾ فيضان شاهه، عاقب علي ۽ طلحه شامل آهن، جوابدار فيضان شاهه پنهنجي اڳوڻي گهرواري جا فحش فوٽو سندس ڀاءُ کي اماڻيا.
هن چيو ته جوابدار جي اڳوڻي گهرواري ڪينسر جي مريضه آهي، جوابدار پنهنجي گهرواري کي چوندو هو ته والد کان پئسا وٺي ڏي، انڪار تي مٿس تشدد ڪندو هو. ايڊيشنل ڊائريڪٽر سائبر ڪرائيم عمران رياض چيو ته انهي تڪرار تان ٻنهي ۾ طلاق ٿي وئي، جنهن بعد جوابدار کيس بليڪ ميل ڪرڻ شروع ڪيو. هن چيو ته عاقب علي ۽ طلحه کي به هراسمنٽ جي شڪايتن تي گرفتار ڪيو ويو آهي.
