مسوڀرڳڙي: تعلقي حيدرآباد ٻهراڙي وارن علائقن ۾ ڀاڳين جي مال ۾ چمڙي جي بيماري (ليمپي اسڪن) پکڙجي وئي، ڀاڳين جو ٽيمون موڪلي علاج ڪرائڻ جو مطالبو، خبر موجب تعلقي حيدرآباد ٻهراڙي وارن علائقن مسوڀرڳڙي، واڻڪي وسي، ٽنڊوسعیدخان، سچو خاصخيلي، موليڏنو خاصخيلي ۽ ٻين ڳوٺن ۾ جانورن ۾ چمڙي جي بيماري پکڙجي وئي آھي.
ان حوالي سان ڀاڳين زوار امان بخش لغاري، غلام علي لغاري، اميد علي لغاري، علي مراد لغاري، محمد رفيق کوسو ۽ ٻين جو چوڻ آھي ته جانورن جي جسم تي پھرين ڦرڙيون ٿين ٿيون پو آھستي آھستي سڄي جسم ۾ پکڙجي وڃن ٿيون، هنن چيو ته علائقي ۾ ڪيترائي جانور ليمپي جھڙي بيماري ۾ ورتل آهن، ھنن مطالبو ڪيو ته جانورن جي علاج لاءِ حيدرآباد مان ڊاڪٽرن جي ٽيم موڪلي وڃي، اسان جي جياپي جو دارومدار چوپائي مال تي آھي.
