اسلام آباد : پارليامينٽ لاجز جي ڀڃڪڙي ڪرڻ تي تنظيم انصاراسلام جي رضاڪارن خلاف ڪيس داخل ڪيو ويو آهي. ذريعن موجب پارليامينٽ لاجز جي ڀڃڪڙي ڪرڻ تي تنظيم انصارالسلام جي رضاڪارن جي خلاف ڪيس داخل ڪيو ويو آهي. ڪيس سرڪار جي ڪم ۾ مداخلت، قلم 144 جي ڀڃڪڙي قلمن تحت سيڪريٽريٽ ٿاڻي ۾ داخل ڪيو ويو آهي. ڪيس ۾ 18 معلوم جڏهن ته 25 کان 30 نامعلوم ماڻهن کي نامزد ڪيو ويو آهي. ڪيس جي متن مطابق گذريل ڏينهن 40 کان 50 رضاڪار پارليامينٽ لاجز پاران سيڪيورٽي مشقون ڪندا رهيا. هن جٿي لاجز جي مين گيٽ جو ڪنٽرول سنڀاليو ۽ پوءِ اندر داخل ٿي ويا. سيڪريٽريٽ ٿاڻي ۾ داخل ڪيس جي متن ۾ چيو ويو ته سرچ وارنٽ حاصل ڪري پوليس ۽ انتظاميا لاجز پهتي جتي مخصوص وردي پهريل رضاڪار ڪمري نمبر 401 ۾ موجود هئا. انهن ماڻهن جو اتي هجڻ اهو ظاهر ڪندو رهيو ته لاجز جي سيڪيورٽي اٽڪل غير موثر ٿي چڪي آهي. ڪيس جي متن ۾ ٻڌايو ويو ته ڪمري ۾ موجود ماڻهن سان ڳالهين جي ڪوشش ڪئي وئي، ان دوران ڪمري ۾ موجود ماڻهن رضاڪارن کي حوالي ڪرڻ کان انڪار ڪيو ۽ مزاحمت شروع ڪري ڏني. ان دوران ڪمري نمبر 401 جي سينٽر ميز جو شيشو ٽٽي پيو، حالتون خراب ٿيڻ تي ڪمري ۾ موجود ماڻهن ٻين ڪمري ۾ پنهنجو پاڻ کي بند ڪري ڇڏيو. جڏهن ته انصارالسلام جي ڪجهه رضاڪارن کي گرفتار ڪيو ويو ته انهن مزاحمت ڪندي سرڪاري گاڏي جا شيشا ڀڃي ڇڏيا.
