تلھار: تلھار ۾ وڌندڙ بدامني، منشيات جي وڪرو ۽ جوا جي اڏن خلاف سنڌ ترقي پسند تعلقي قيادت پاران شھر ۾ بک ھڙتالي ڪيمپ قائم ڪري تلھار پوليس خلاف سخت نعريبازي ڪئي وئي. جڏهن ته بک ھڙتالي ڪيمپ تي سياسي، سماجي، علمي ۽ ادبي اگواڻن پهچي ڀرپور حمايت جو اعلان ڪيو. ان موقعي تي ايس ٽي پي اگواڻ شوڪت عمراڻي، راجا ٿيٻو، اسلم سونارو، شريف سمون، مولانا عبدالقدوس، نواز جتوئي ۽ ٻين چيو ته ايس ايڇ او تلھار ھڪ بااثر ماڻھو آھي.
جيڪو ڳري منٿلي عيوض شھر ۾ سرعام زھر وڪرو ڪرائڻ جي منشيات فروشن جي ڊيلرن کي اجازت ڏئي ڇڏي آھي، هنن چيو ته شهر ۾ بدامني چوٽ چڙهي وئي آهي ۽ نوجوان نسل جوا جي ڪري تباھي جي ڪناري تي پھچي ويو آھي، هنن چيو ته ايس ايڇ او تلھار کي ھٽائي نئون ايماندار آفيسر مقرر ڪيو وڃي.
