ٺٽو: اين ٽي ايس 2013 ۾ ماستري جو ٽيسٽ پاس ڪندڙ امیيدوارن پاران آفرآرڊر نه ملڻ خلاف ٺٽي پريس ڪلب اڳيان احتجاجي مظاهرو ڪيو ويو. ان موقعي تي غلام سرور بروھي، نعمان جوکيو ۽ ٻين مطالبو ڪيو ته اسان کي جلد آفر آرڊر ڏنا وڃن، اميیدوارن ٻڌايو ته حيدرآباد ها ڪورٽ اسان جي حق ۾ پڻ فيصلو ڏيئي ڇڏيو آهي ته ٻن مھينن اندر ڇنڊڇاڻ ڪري آفر آرڊر ڏيئي ڪورٽ ۾ رپورٽ پیش ڪئي وڃي پر ان تي تعليم کاتي پاران ڪو به ردعمل سامھون نه آيو آھي، هنن چيو ته آئي بي اي ٽيسٽ ذريعي 33 مارڪون کڻڻ وارن کي آرڊر ڏنا ويا آھن پر اسان کي 60 پلس مارڪون کڻڻ باوجود به آرڊر نٿو ڏنو وڃي، ھنن گھر ڪئي ته اسان کي آرڊر ڏيئي اسان سان انصاف ڪيو وڃي.
