ڪنري لڳ ڊمپر جي ٽڪر ۾ ڇاڇرو واسي نوجوان فوت

ڪنري: ڪنري لڳ عمرڪرٽ-ميرپورخاص روڊ تي ڊمپر جي ٽڪر ۾ نوجوان فوت ٿي ويو. عمرڪوٽ-ميرپور خاص روڊ تي تيز رفتار ڊمپر جي ٽڪر ۾ موٽرسائيڪل سوار ڇاڇرو جي ڳوٺ تارواڙي جو رهواسي شوڪت ولد رمضان راهمون ٿڏي تي فوت ٿي ويو، لاش کي عمرڪوٽ پوليس اسپتال کڻائي آئي، جتان ضروري ڪارروائي بعد لاش وارثن حوالي ڪيو ويو. پوليس ڊمپر کي تحويل ۾ وٺي ورتو. ڊرائيور فرار ٿي ويو.