واهي پانڌي ۾ نوجوان جي قاتلن جي گرفتاري لا ٿاڻي آڏو ڌرڻو

واهي پانڌي: واهي پانڌي لڳ ڳوٺ محمد علي جمالي ۾ چار ڏينهن اڳ زمين جي تڪرار تان قتل ٿيل سومر جمالي جي وارث مردن ۽ عورتن قاتلن جي گرفتاري لاءِ واهي پانڌي ٿاڻي آڏو احتجاجي مظاهرو ڪندي ڌرڻو هنيو. ان موقعي تي ميڊيا سان ڳالهائيندي وارثن خالد جمالي، اشرف جمالي، نصيبا، نظيران ۽ مقتول جي بيواهه ناديا سميت ٻين چيو ته سومر جمالي جي قتل کي چار ڏينهن گذري ويا آهن، پر پوليس جوابدارن کي گرفتار ڪرڻ لا تيار ناهي، جوابدار قربان جمالي، راوت ۽ علي رضا جمالي سرعام گهمي رهيا آهن. هنن ايس ايس پي دادو کان مطالبو ڪندي چيو ته فوري طور جوابدار گرفتار ڪري اسان سان انصاف ڪيو وڃي.