عمرڪوٽ: عمرڪوٽ ۾ يوٿ آف عمرڪوٽ جي پنجين يوم تاسيس جي سلسلي ۾ پروقار تقريب ٿي، جنهن ۾ عمرڪوٽ ايجوڪيشنل فيسٽيول ۾ پوزيشن کڻندڙ شاگردن کي ايوارڊ ڏنا ويا، دي بيسٽ اسٽوڊنٽ آف دي ايئر 2021 جو عنوان کي کٽيندڙ ڪائنات اسڪول عمرڪوٽ جي ڏھين ڪلاس جي شاگرد مهينڌر کتري کي سلور ميڊل سان نوازيو ويو. تقريب ۾ نوجوانن، ٽيم جي اڳواڻن ۽ ميمبرن شرڪت ڪئي. پروگرام ۾ صدر الطاف مير راهمون جي جنم ڏڻ جو ڪيڪ ڪاٽيو ويو. اڳوڻي صدر علي نواز ساند جي شان ۾ الوادعي تقريرون پڻ ٿيون. گڏوگڏ ايوارڊ شيلڊ سان پڻ نوازيو ويو. آخر ۾ افطار پارٽي جو انتظام ڪيو ويو. يوٿ آف عمرڪوٽ جي چيئرمين ميوارام پرمار، بوائز ٽيم جي صدر الطاف مير راهمون، گرلز ٽيم جي صدر صغرى مري، اڳوڻي صدر علي نواز ساند سميت ڪيترن ئي نوجوان شرڪت ڪئي.
