ڀٽ شاهه: ڀٽ شاهه پوليس پاران ناڪابندي دوران ڪراچي مان چوري ڪيل ڪار سميت هڪ جوابدار کي گرفتار ڪرڻ جي دعوى ڪئي وئي آهي. پوليس جو چوڻ آهي ته گرفتار جوابدار ساجد پٽ رياض جٽ ڪراچي مان گاڏيون چوري ڪندڙ گروهه جو سرگرم ميمبر آهي ۽ اسٽيل ٽائون ڪراچي ٿاڻي جي حد مان چوري ڪيل ڪار هٿ ڪئي آهي.
جڏهن ته ڪار لفٽر فرحان ۽ هڪ نامعلوم جوابدار فرار ٿي ويو آهي، هٿ ڪيل ڪار گلشن حديد مان ذوهيب الطاف جي گهر ٻاهران چوري ٿيل آهي ۽ ڪار چوري جي ايف آئي آر اسٽيل ٽائون ٿاڻي تي ڪيس داخل ٿيل آهي، گرفتار ڪيل جوابدار سميت فرار ٿي ويل فرحان ۽ هڪ نامعلوم جوابدار مٿان ڀٽ شاهه ٿاڻي تي ڪيس داخل ڪيو ويو آهي.
