مٽياري پوليس جي ٻن ڄڻن کي 11 ڪلو افيم سان گرفتار ڪرڻ جي دعوى

مٽياري: مٽياري ٿاڻي تي انسپيڪٽر نور محمد چانڊيو پريس ڪانفرنس ڪندي دعوى ڪئي آهي ته ايس ايس پي مٽياري محمد ڪليم ملڪ جي حڪم تي پوري ضلعي ۾ منشيات فروشن خلاف ڪارروايون تيز ڪيون ويون آهن، ھن چيو ته اسان ڳجهي اطلاع تي مٽياري جي قومي شاھراھه تي ڇنڊڻ موري وٽ مسافر بس مان لھڻ دوران ٻن ڄڻن جي چيڪنگ ڪئي ته انهن وٽان ھڪ ڪٽي مان 11 ڪلو آفيم ھٿ ٿيو آهي، ٻن جوابدارن سومار سميجو ۽ تصبيح الله پٺاڻ کي گرفتار ڪري ورتو آهي، جڏهن ته ھڪ ڄڻو فرار ٿي ويو آهي. جنهن کي به جلد گرفتار ڪيو ويندو.