پرڏيهي وزير بلاول ڀٽو زرداري ابوظهبي ۾ تعزيت کانپوءِ نيويارڪ پهچي ويو

نيويارڪ: پاڪستان جو پرڏيهي وزير بلاول ڀٽو زرداري گلوبل فوڊ سيڪيورٽي ڪال فار ايڪشن جي وزارتي اجلاس ۽ بين الاقوامي امن ۽ سلامتي جي بحالي-تڪرارن ۽ خوراڪ جي حفاظت تي سلامتي ڪائونسل جي کليل بحث ۾ حصو وٺڻ لاءِ هڪ مختصر دوري لاءِ نيويارڪ پهچي ويو آهي. هو ڪمرشل فلائيٽ ۾ دبئي کان نيويارڪ پهتو. گڏيل هو آمريڪا جي دوري دوران آمريڪي پرڏيهي وزير انٽوني بلنڪن سان پڻ ملاقات ڪندو. ان کان اڳ هن ابوظهبي ۾ گڏيل عرب امارتن جي صدر شيخ خليفه بن زيد النهيان جي لاڏاڻي تي نئين صدر شيخ محمد بن زيد النهيان سان تعزيت ڪئي.