درآمد تي پابندي سان پرڏيهي ناڻي جي بچت ٿيندي:وزيراعظم

اسلام آباد : وزيراعظم شهباز شريف چيو آهي ته لگزري آئٽمز جي درآمد تي پابندي جي فيصلي سان ملڪ جي قيمتي پرڏيهي ناڻي جي بچت ٿيندي. ڪالهه خميس ڏينهن پنهنجي هڪ ٽوئيٽ ۾ هن چيو ته اسان ڪفايت شعاري اختيار ڪنداسين. مالي طور تي مضبوط ماڻهن کي ان ڪوشش ۾ تعاون ڪرڻ گهرجي ته جيئن گهٽ مراعت يافتا طبقي کي اهو بار نه کڻڻو پوي جيڪو پي ٽي آءِ جي حڪومت انهن تي وڌو آهي. هن چيو ته اسان عزم ۽ لڳاءُ سان گڏجي چئلينجن تي ضابطو آڻينداسين.