چمبڙ:چمبڙ ويجھو سنجر چانگ پنجون شهيد بينظير ڀٽو نائيٽ ڪرڪيٽ ٽورنامينٽ جاري آهي. گذريل ڏينهن 4 ٽيمن ۾ مقابلا ٿيا. پهريون ميچ ٽنڊوالهيار شگر مل ۽ زميندار اليون ۾ ٿيو، ٽنڊوالهيار شگر مل ٽاس کٽي بيٽنگ ڪندي 10 اوورن ۾ 5 وڪيٽن جي نقصان تان 138 رنسون ٺاهيون، جنهن ۾ عامر رفيق 5 ڇڪن ۽ 5 چوڪن جي مدد سان 90 رنسون ٺاهيون. جواب ۾ زميندار اليون مقرر اوورن ۾ هڪ وڪيٽ جي نقصان تي 111 رنسون ٺاهي سگهي، جنهن ۾ امتياز 7 ڇڪن ۽ 3 چوڪن جي مدد سان 58 رنسون ۽ فاخر نسيم 29 رنسون ٺاهيون. ٻيو ميچ النويد بي اسپورٽ ۽ راج اسپورٽ ۾ مقابلو ٿيو. النويد بي مقرر 7 اوورن ۾ ٽن وڪيٽن جي نقصان تان 101 رنسون ٺاهيون. جواب ۾ راج اسپورٽ مقرر اوورن ۾ 5 وڪيٽن جي نقصان تي صرف 36 رنسون ٺاهي سگهي.
