ميهڙ ڀرسان ڪئنال مان نوجوان جو لاش هٿ

ميھڙ/ٿرڙي محبت: ميهڙ ڀرسان رائيس ڪئنال ۾ نوجوان جو لاش هٿ آيو، لاش جي سڃاڻپ ڳوٺ جمعون ناريجو واسي نوجوان اشفاق ميراڻي پٽ منظور ميراڻي طور ٿي. معلوم ٿيو آھي ته نوجوان صبح کان وٺي گم هو ۽ سندس وارث نوجوان جي ڳولا ڪري رهيا هئا. جڏهن ته نوجوان جو لاش گهر پهچڻ تي گهر ۾ ڪهرام مچي ويو. پوليس موجب اسان کي اطلاع آھن ته نوجوان نشي جو عادي هو، جيڪو صبح کان گم ھو، نوجوان جو لاش رائيس ڪئنال جي بيٺل پاڻي مان مليو آھي، وڌيڪ جاچ ڪري رھيا آھيون.