ٽنڊوآدم : سنڌ هندو ڪائونسل جي وفد گورنر هائوس ڪراچي ۾ صدر عارف علوي سان ملاقات ڪئي. سنڌ هندو ڪائونسل جي وفد چيئرمين ديوان سورج ڪوهستاني، مهيش ڪمار منگلاڻي ۽ آڪاش ڪمار رتناڻي جي اڳواڻي ۾ گورنر هائوس ڪراچي ۾ صدر عارف علوي سان ملاقات ڪئي. وفد جي اڳواڻن اقليتن کي 5 سيڪڙو ڪوٽا نوڪريون ڏيڻ، جبري مذھب تبديل ڪرائڻ، اقليتي اڳواڻ جي زمين تي قبضي سميت ٻين مسئلن بابت آگاهي ڏني ۽ قانوني ڪارروائي جي گهر ڪئي، جنهن تي صدر عارف علوي وفد کي سندن مسئلن جي حل جي خاطري ڪرائيندي چيو ته وفاق وٽ اقليتن کي ڪوٽا تحت نوڪريون ڏيڻ جون درخواستون پهچن ئي نٿيون. اقليتي برادري کي گهرجي ته اهي ڪوٽا واري مسئلي تي وفاق کي درخواستون موڪلين.
