ڀان سيدآباد: ڀان سيدآباد ۾ غربت ۽ بيروزگاري کان پريشان نوجوان پنهنجو پاڻ مٿان پيٽرول هاري باهہ ڏيئي زندگي جو انت آڻي ڇڏيو، لاش گهر پهچڻ تي ڪهرام مچي ويو. تفصيل موجب ڀان سيدآباد ۾ نوجوان پاڻ کي باھه ڏيئي آپگھات ڪري ڇڏيو، مھراڻ ڪالونيءَ جي رهواسي 25 ورهين جي پرويز علي عرف پرو سولنگي پنهنجي مٿان پيٽرول هاري پاڻ کي باهه ڏئي ڇڏي، نوجوان جو 70 سيڪڙو جسم سڙي ويو، نوجوان کي زخمي حالت ۾ ڪراچي منتقل ڪيو ويو، نوجوان سول اسپتال ڪراچيءَ جي برنس وارڊ ۾ زخمن جا تاب نه سهندي فوت ٿيو، نوجوان هارپو ڪندو ھو، غربت ۽ بيروزگاريءَ سبب پريشان رهندو هو، ڪنهن ڳالهه تي پيءُ سان منهن ماري ٿيڻ بعد هن انتهائي قدم کنيو، فوتي نوجوان جو مڙهه ڪراچيءَ کان ڀان سيد آباد آڻڻ تي گهر ۾ ڪهرام مچي ويو.
