اسلام ڪوٽ: اسلام ڪوٽ ڀرسان عورت پاڻي ڀريندي پير ترڪڻ سبب کوھه ۾ ڪري فوت ٿي وئي. ان سلسلي ۾ اسلام ڪوٽ جي ڳوٺ لکو جي ڍاڻي ۾ گذريل ڏينهن 45 ورهين جي عورت لڇو ٻائي زال ويلو ڪولهي کوهھ تان پاڻي ڀرڻ دوران کوهھ ۾ ڪري فوت ٿي وئي، اطلاع تي پوليس پهچي لاش کوھه مان ڪڍرائڻ بعد پوسٽ مارٽم لا اسپتال آندو. ان سلسلي ۾ پوليس موجب لڇو ٻائي جي وارثن چيو ته عورت ٻين عورتن سان گڏ کوهھ تان پاڻي ڀري رهي هئي ته اوچتو رسو (ورت) ٽٽي پئي، جنهن سبب لڇو ٻائي پير ترڪڻ سبب کوهھ ۾ ڪري فوت ٿي وئي، اسان وڌيڪ ڪابه قانوني ڪارروائي ڪرائڻ نٿا چاهيون. پوليس موجب وارثن جي اهڙي بيان بعد لاش ضروري ڪارروائي بعد وارثن حوالي ڪيو آهي، وڌيڪ جاچ ڪئي پئي وڃي.
