ڪڪڙ ڀرسان مبينا خودڪشي ڪندڙ عورت جي قبرڪشائي، جزا ورتا ويا

ڪڪڙ: سيڪنڊ سول جج جي عدالتي حڪم تي ڪڪڙ ۾ مبينا خودڪشي ڪندڙ نرما شاهي جي ڊاڪٽرن جي ٽيم قبرڪشائي ڪري جزا ورتا. ياد رهي ته نرما شاهي جو 45 ڏينهن اڳ ڳوٺ علي بخش جوڻيجو ۾ گهر جي ڪمري مان پنکي ۾ رئو ٻڌل لاش مليو هو، جنهن کي مڙس پاران خودڪشي جو رنگ ڏئي بنا پوسٽ مارٽم جي دفنايو هو، جنهن بعد نرما جي ڀاءُ ڪڪڙ ٿاڻي پهچي ڀيڻ کي قتل ڪرڻ جو ڪيس ڀيڻيويي فهد حسين متاڻي، سهري محمد خان متاڻي ۽ حضوران ڌي محمد خان متاڻي خلاف داخل ڪرايو هو ۽ سندس ڀيڻ جي قبر ڪشائي ڪري پوسٽ مارٽم ڪرڻ لاءِ درخواست پڻ ڏني هئي.