ٿرڙي محبت: ٿرڙي محبت ڀرسان ڳوٺ شير محمد چانڊيو ۾ ڳوٺ الله بخش جهتيال واسي 50 ورهين جي رحيم بخش جهتيال جو زرعي زمين تان گوليون لڳل لاش هٿ آيو، اطلاع تي سوين ڳوٺاڻا ۽ مقتول جا وارث واقعي واري هنڌ پهچي پوليس کي اطلاع ڪيو، جنهن بعد پوليس پهچي لاش اسپتال پهچايو. جڏهن ته مقتول جو لاش پوسٽ مارٽم بعد وارثن حوالي ڪيو ويو. ٻئي پاسي مقتول جو لاش گهر پهچڻ تي ڪهرام مچي ويو. ان موقعي تي مقتول جي ڀائيٽي نياز علي جهتيال ٻڌايو ته چاچو ٻن ڏينهنن کان گم هو ۽ سندس موبائل فون به بند هو، اسان جي ڪنهن سان به دشمني ناهي، چاچي جي کيسي مان بند پيل موبائل فون مليو آهي. هوڏانهن پوليس قتل بابت جاچ شروع ڪري ڇڏي.
