ٺٽو: مڪلي پوليس پاران ايس ٽي پي ڪارڪن قطب جوکيو کي گرفتار ڪري کيس گم ڪرڻ خلاف پريس ڪلب ٺٽو اڳيان احتجاجي مظاھرو ڪري سخت نعريبازي ڪئي وئي. سنڌ ترقي پسند پارٽي جي سڏ تي سياسي، سماجي تنظمن جي اڳواڻن ۽ وارثن پاران ايس ٽي پي جي بشير جوکيو، صاحب ڏنو سمون، سنڌ ڪلچرل فورم سنڌ جي چيئرمين صادق لاکو، پورھيت مزاحمت جي مدد ميرجت ۽ ٻين جي اڳواڻي ۾ پريس ڪلب ٺٽو اڳيان احتجاج ڪري سخت نعريبازي ڪئي ويئي.
اڳواڻن جو چوڻ ھو ته پوليس مسلسل بنا ڪنھن جواز جي پارٽي جي ڪارڪنن کي تنگ ڪري ڪوڙا ڪيس داخل ڪندي رھي آھي، قطب جوکيو سياسي ڪارڪن سان گڏ ھڪ مزدور آھي، جنھن کي ھر دفعي ذھني ٽارچر ڪرڻ سان گڏ ڪوڙا کيس داخل ڪيا وڃن ٿا. هنن چيو ته ايس ايس پي ٺٽو معاملي جو نوٽيس وٺي انصاف ڪرائي.
