ڪوهستان مان ٻن ٻارن جي ما اغوا، وارثن جو احتجاج

ٿاڻوبولاخان: ڪوھستان جي علائقي ڪرچات ويجھو ڳوٺ آيو خان رند ۾ پرڻيل عورت رشيدان زال فيض محمد رند کي مبينا طور هٿياربند حملو ڪري اغوا ڪري ويا، عورت ٻن ٻارن جي ما آهي، واقعي دوران پوليس پوسٽ ڪرچات کي تالا لڳل هئا ۽ عملو گم هو. هوڏانهن عورت جي وارث عورتن ۽ مردن پوليس پوسٽ ڪرچات اڳيان احتجاجي مظاهرو ڪيو. ان موقعي تي عورت جي مڙس فيض محمد، ڏير مير محمد ۽ ٻين چيو ته جوابدار منظور رند ھٿيارن جي زور تي گھر ۾ گھڙي زبردستي رشيدان کي اغوا ڪري مارڻ جي ڌمڪي ڏني آهي. اسان سان انصاف ڪيو وڃي.