سرھاڙي: سرھاڙي ويجهو چودگي اسٽاپ وٽ ايس ايڇ او محمد علي زرداري جي گاڏي مٿان گشت دوران ڦورن جو پيڇو ڪرڻ تي ٽن نامعلوم ڦورن گاڏي مٿان فائرنگ ڪري ڏني، جنهن بعد گاڏي تي پٿرا به ڪيو ويو، جنهن سبب ھڪ پوليس اهلڪار محبوب زرداري زخمي ٿي پيو، جنهن کي اسپتال آندو ويو. فائرنگ دوران ايس ايڇ او معجزاڻي طور محفوظ رهيو، بعد ۾ ڦورو فرار ٿي ويا. ايس ايڇ او سرھاڙي محمد علي زرداري ميڊيا کي ٻڌايو ته گشت دوران چودگي روڊ تي بيٺا ھئاسين ته شڪ جي بنياد تي موٽرسائيڪل سوار نامعلوم ھٿياربندن کي روڪيو ته اهي نه بيٺا، پيڇو ڪرڻ تي جوابدارن گاڏي مٿان فائرنگ ڪري پٿرا ڪيو، جنھن سبب مون سان گڏ پوليس اھلڪار محبوب زرداري ڌڪ لڳڻ سبب زخمي ٿي پيو. هوڏانهن واقعي واري هنڌ پوليس نفر پهچي وئي. مختلف ٿاڻن لنڊو، سرھاڙي، شاھپورچاڪر ۽ شھدادپور پوليس ڇاپا هڻي شڪ جي بنياد تي ڪجهه ماڻهن کي گرفتار ڪري ورتو آهي.
