نيوسعيدآباد ۾ روڊ حادثي ۾ نوجوان پٽ جي موت تي ما به فوت

نيوسعيدآباد: نيوسعيدآباد ۾ روڊ حادثي ۾ نوجوان پٽ جي موت جو صدمو نه سھندي ما فوت ٿي ويئي، تفصيل موجب 2 ڏينهن اڳ نيوسعيدآباد ڀرسان قومي شاهراھه تي پيرجھنڊو وٽ موٽرسائيڪل سلپ ٿيڻ جي نتيجي ۾ سماجي اڳواڻ شير محمد مگسيءَ جو پٽ ثابت علي مگسي زخمي ٿيڻ بعد حيدرآباد نيئندي واٽ تي فوت ٿي ويو هو، ان پٽ جي فوت ٿيڻ جو صدمو برداشت نه ڪندي سندس ما به فوت ٿي ويئي. جنھن بعد نيوسعيدآباد لڳ ڳوٺ محمد خان مگسي ۾ ڪھرام مچي ويو.