اسلام آباد: معيشتن جي درجا بندي ڪندڙ عالمي اداري موڊيز 5 پاڪستاني بئنڪن جو آئوٽ لڪ مستحڪم مان ناڪاري ڪري ڇڏيو آهي. موڊيز 5 پاڪستاني بئنڪن جي ريٽنگ بي 3 ڪري ڇڏي آهي، 5 بئنڪن جو آئوٽ لڪ مستحڪم مان ناڪاري ٿي ويو آهي. ان کان اڳ موڊيز پاڪستان جو اقتصادي لڪ به مستحڪم مان ناڪاري ڪيو هو. موڊيز جو چوڻ آهي ته معاشي خطرن سبب پاڪستان جي رينڪنگ ناڪاري ڪئي وئي آهي، پرڏيهي فنانسنگ حاصل ڪرڻ ۾ غير يقيني صورتحال سبب ناڪاري ٿي آهي. موڊيز جو چوڻ آهي ته مهانگائي سبب ٻاهرين معاشي صورتحال خراب ٿي رهي آهي، ڪرنٽ اڪائونٽ خساري ۽ ڪرنسي تي دٻا وڌيو آهي، سياسي خطرن سبب معاشي مستقبل غير يقيني نظر اچي رهيو آهي.
