پاڪستان کي منڪي پاڪس جون ٽيسٽ ڪٽس فراهم

اسلام آباد: صحت جي عالمي اداري (ڊبليو ايڇ او) پاڪستان کي منڪي پاڪس پي سي آر ٽيسٽ ڪٽس فراهم ڪري ڇڏيون. ڊبليو ايڇ او جي اختيارين موجب 300 ٽيسٽ ڪٽس ڪالهه سنڌ جي صحت کاتي حوالي ڪيو ويون آهن. سنڌ جي صحت کاتي جي عملدارن چيو آهي ته ڊبليو ايڇ او وٽان مليل ڪٽس ڪراچي جي ٽن اسپتال کي ڏينداسين. عملدارن جو چوڻ آهي ته اسٽيڊيم روڊ جي خانگي اسپتال کي 100 منڪي پاڪس ٽيسٽ ڪٽس ڏئي رهيا آهيون جڏهن ته سول اسپتال ڪراچي ۽ ڊائو اوجها اسپتال کي پڻ سئو، سئو ٽيسٽ ڪٽس ڏئي رهيا آهيون.