ميرپوربٺورو: جيئي سنڌ قومي پارٽي جي ثقافتي فرنٽ طرفان ناليواري اديب، دانشور ۽ قومپرست رسول بخش درس جي سالگرھه تقريب سنڌ ھائوس تي ملھائي وئي. انھي موقعي تي سالگرهه جو ڪيڪ ڪاٽيو ويو. تقريب کي خطاب ڪندي قومي پارٽي جي چيئرمين نواز خان زئور چيو ته رسول بخش درس اصول پسند انسان ھو. ھن سڄي حياتي سنڌ جي آجپي، خوشحالي ۽ آزادي لاءِ جدوجھد ڪئي. هو جاکوڙ ڪندڙ ماڻھو ھو.
تاريخ ۾ رسول بخش درس کي سونھري لفظن ۾ ياد ڪيو ويندو. ھن فڪر سيد سان به ساھه جي آخري ھڏڪي تائين نڀايو. رسول بخش درس اھل دل ماڻھو هو، جنھن جي اوطاق سنڌ پرست مهمانن جي موجودگي ۽ ادب، سياست ۽ فڪر سان وسندي ھئي. ان موقعي تي سنڌ قومي ثقافتي سنگت جي قادر بخش زئور، ديپڪ باغي، انور خاصخيلي، جساف آزاد جي آزاد سومرو، نور محمد چانڊيو، سنڌ قومي اسٽوڊنٽس فرنٽ جي سراج رسول ۽ ٻين پڻ خطاب ڪيو.
