تلھار: تلھار ۾ پوليس جمن جت کي گرفتار ڪري انڊين سفينا پڙين جا 5 پيڪٽ هٿ ڪري ورتا. جمن ملاح کي 300 ديسي گٽڪن سميت گرفتار ڪيو ويو. ان سلسلي ۾ ايس ايڇ او تلھار سعيد احمد چنا عوامي پريس ڪلب جي صحافين سان ڳالھائيندي چيو ته گرفتار جوابدارن جا پوليس رڪارڊ ۾ نالا موجود ھئا، لسٽ ملڻ کانپو ڪارروائي ڪري جوابدار جمن جت ۽ جمن ملاح کي ثبوتن ساڻ گرفتار ڪري منشيات ايڪٽ تحت ڌار ڌار ڪيس داخل ڪري جيل اماڻي ڇڏيو آھي. ايس ايڇ او سعيد احمد چنا وڌيڪ چيو ته تلھار ۾ سفيد پوش ڪجهھ اھڙن ماڻھن جا نالا پڻ سامھون آيا آھن، جن جي ڳجهي نموني جاچ ڪئي پئي وڃي. ھوڏانھن جمن جت ۽ جمن ملاح جي وارثن بابو جت، احمد جت ۽ خميسو جت سميت ناظم ملاح ۽ ٻين صحافين کي ٻڌايو ته ھي ھڪ سياسي انتقامي ڪارروائي آهي، بنا ڪنھن ڏوهھ جي اسان جا ماڻھو ونگار تحت گرفتار ڪري ظلم ڪيو ويو آهي.
