ڇور: ڇور ۾ يوسي نيوڇور ۾ پ پ چونڊ مهم تيز ڪري ڇڏي. حاجي ابراهيم عمراڻي هائوس تي ڪارنر گڏجاڻي کي پ پ اڳواڻ صوفي اڪبر حسين خطاب ڪندي چيو ته پ پ شهيدن جي پارٽي آهي، 26 جون تي نيوڇور جو عوام تير تي ٺپو هڻي ڪامياب ڪندو. گڏجاڻي کي وائيس چيئرمين جي اميدوار اڪرم علي عمراڻي خطاب ڪندي چيو ته پ پ سان عوام جو رشتو شهيدن جي رت جو رشتو آهي، مڪاني چونڊن ۾ پ پ جا اميدوار ڪاميابي ماڻيندا. يوسي جي چيئرمين جي اميدوار هرچند را چيو ته عوام ڀرپور موٽ ڏني. ان موقعي نکٽ سنگهه سوڍي، حاجي ابراهيم عمراڻي، مانجهي سميجو، ڊاڪٽر پدم سنگهه ۽ ٻين خطاب ڪيو.
