نندو ۾ نشي آور انجيڪشن جو عادي نوجوان فوت

نندو: نندو جي ڳوٺ بولو ملاح جو 19 سالن جو نوجوان غمشاد عرف پيرو ملاح مسلسل نشي آور انجيڪشن جي استعمال سبب سخت بيمار ٿي پيو، جنهن کي وارثن انڊس اسپتال آندو، جتان کيس حيدرآباد ريفر ڪيو ويو، جتي هن دم ڏنو. نوجوان 2 سال اڳ شادي ڪئي هئي، جنهن مان هڪ نياڻي جو اولاد پڻ آھي. هوڏانهن فوتي نوجوان غمشاد ملاح جي والد غلام حسين ملاح ٻڌايو ته پٽ نشي آور انجيڪشن استعمال ڪندو هو، جنهن سبب گذريل هفتي سندس طبيعت خراب ٿي، پر طبيعت ۾ بهتري نه آئي ۽ هو فوت ٿي ويو.