ڪڪڙ: ڪڪڙ ويجهو انڊس ها وي تي تيز رفتار ڪار ڊرائيور جي ڪنٽرول مان نڪري کاهي ۾ ڪري پئي، جنهن جي نتيجي ۾ انٽر جو پرچو ڏيڻ لا ويندڙ شاگردياڻي عريبا ڌي الطاف جوڻيجو فوت ٿي وئي. جڏهن ته شاگردياڻي منيزا جوڻيجو سخت زخمي ٿي پئي. ٻئي طرف ڪار ڊرائيور نوجوان علي حماد جوڻيجو ڪار جا ايئر بيگ کلڻ سبب معمولي زخمي ٿيو. زخمين ۽ فوتي شاگردياڻي جي لاش کي دادو سول اسپتال نيو ويو، جتي زخمي شاگردياڻي جي حالت نازڪ ٻڌائي پئي وڃي. هوڏانهن امتحاني سينٽر تي شاگردياڻي جي فوت ٿيڻ جي خبر پوڻ تي شاگردن ۾ ڏک جي لهر ڇائنجي وئي.
